پیرس ( جنگ نیوز) فرنچ اوپن میں بدھ کو ہونے والے میچز میں عالمی نمبر دو اینڈی مرے نے رچرڈ گیسکوئٹ کو 5-7،7-6،6-0،اور 6-2سے شکست دے کر سیمی فائنل میں پہنچ گئے ۔ پہلے سیٹ میں رچرڈ گیسوکوئٹ نے مرے کو 7-5سے شکست دی جس کے بعد اینڈی مرے نے میچ پر مکمل گرفت رکھی ۔ دوسرے اور تیسرے سیٹ میں گیسکوئٹ کو ناکامی کا سامنا کرنا پڑا ۔ اینڈی مرے سیمی فائنل میں اسٹین ووارینکا کا سامنا کریں گے۔ سابق نمبر ون وینس ولیمز کو چوتھے رائونڈ میں سوئٹزرلینڈ کی بنسزکی نے اسٹریٹ سیٹس میں 6-4اور 6-2سے ہرا کر کوارٹر فائنل کیلئے کوالیفائی کر لیا۔ان کی بہن عالمی نمبر ون سرینا ولیمز نے یوکرین کی الینا سویٹلانا کو اسٹیٹ سیٹس میں 6-1،6-1سے ہرا دیا۔مردوں کے پری کوارٹر فائنل مقابلوں میں نمبر ون جوکووچ نےا سپین کے بٹیسٹا اگٹ کو سخت مقابلے کے بعد 3-6،6-4،6-1اور 7-5 سے ہرا کر کوارٹر فائنل کیلئے کوالیفائی کرلیا۔ چیک ری پبلک کے ٹومی برڈیچ نےا سپین کے ڈیوڈ فیرر کو ہرا دیا۔ بیلجیم کے گوفن نے لٹویا کے گلبس اور ارجنٹائن کے تھائم نےا سپین کے گرینولرز کو ہرا کر کوارٹر فائنل کیلئے کوالیفائی کرلیا۔
فرمان الہی
نماز کے اوقات
