ملتان(جنگ نیوز) جنگ میڈیا گروپ کے زیر اہتمام پاکستان کی سب سے بڑی تعلیمی نمائش ’’دی نیوز ایجوکیشن ایکسپو 2016ء کا دوسرے شہروں میں تاریخی کامیابیوں کے بعد اب ملتان میں بھی باقاعدہ آغاز ہو رہا ہے۔ یہ تعلیمی نمائش شنگریلا گارڈن ملتان میں آج 2 جون 2016ء کو صبح 10 بجے سے لے کر شام 7 بجے تک مسلسل جاری رہے گی۔ دی نیوز ایجوکیشن ایکسپو تعلیمی میدان میں غیر معمولی کارکردگی کے ساتھ طلبا اور طالبات کے لئے تعلیم کے حصول کا بہترین ذریعہ بن چکی ہے جس میں زندگی کے مختلف شعبہ ہائے جات سے تعلق رکھنے والے شرکا کی کثیر تعداد اپنے اور اپنے بچوں کے بہتر مستقل کے لئے تعلیمی اداروں کے سٹالز سے معلومات حاصل کرتے ہیں۔ دی نیوز ایجوکیشن ایکسپو 2016ء میں مختلف شعبہ جات کے حامل تعلیمی ادارے جن میں پنجاب گروپ، بہاء الدین زکریا یونیورسٹی، نواز شریف ایگریکلچر یونیورسٹی، یو ایم ٹی، سپریئر گروپ، کنکورڈیا کالجز، شریف میڈیکل اینڈ انجینئرنگ کالج کے علاوہ دیگر نیشنل اور انٹرنیشنل تعلیمی ادارے اپنے سٹالز لگا رہے ہیں۔ طلباء و طالبات کے ساتھ ساتھ والدین کو بھی شرکت کی دعوت عام ہے۔
فرمان الہی
نماز کے اوقات
