کراچی بارش، فلائٹ آپریشن متاثر، 10 پروازیں منسوخ

24 جولائی ، 2022

کراچی میں بارش کے باعث فلائٹ آپریشن متاثر ہوگیا، 10 پروازیں منسوخ اور 9 تاخیر کا شکار ہوگئیں۔

ایئر پورٹ ذرائع کے مطابق کراچی سے جانے اور آنے والی 10 پروازیں بارش کے باعث منسوخ کردی گئیں جبکہ 9 فلائٹ تاخیر کا شکار ہوئیں۔

ذرائع کے مطابق اسلام آباد سے کراچی کی نجی ایئرلائن کی پرواز ایک گھنٹے تاخیر سے رات 12 بجے پہنچے گی۔

ایئرپورٹ ذرائع کے مطابق پی آئی اے کی کراچی سے اسلام آباد کی پرواز پی کے 370 سات گھنٹے کی تاخیر سے رات 2 بجے شیڈول ہے۔

ذرائع کے مطابق کراچی سے لاہور اور کراچی سے پشاور کی پروازیں 2 گھنٹے کی تاخیر سے شیڈول کی گئیں۔

ایئرپورٹ ذرائع کے مطابق ابوظبی سے کراچی کے لیے نجی ایئرلائن کی پرواز بھی 2 گھنٹے تاخیر کا شکار ہوئی ہے۔

ذرائع کے مطابق اسی طرح فیصل آباد سے کراچی آنے والی پرواز پی کے 341 بھی 2 گھنٹے تاخیر سے پہنچے گی جبکہ اسلام آباد سے کراچی کی پرواز 3 گھنٹے تاخیر کا شکار ہے۔

قومی خبریں سے مزید