کراچی(اسٹاف رپورٹر)تھائی لینڈ کے شہر بنکاک میں ہونیوالے پاک تھائی انٹرنیشنل ہاکی ٹورنامنٹ میں مسلسل پانچویں مرتبہ کامیابی حاصل کرنے والی کسٹمز پریوینٹو کلب کی ہاکی ٹیم کے اعزاز میں عبدالرشید کی جانب سے عشائیہ کا اہتمام کیا گیا ، جس میں معمار ہاؤسنگ سوسائٹی کے ڈائریکٹر ظفر رفیق سمیت ، ندیم احمد، محمد حنیف، رؤف عباسی، عمران الحق اور عرفان الحق، زاہد علی صدیقی، صادق الرحمان، آصف ناصر، محمد علی خان اور ٹیم کے کپتان سید آل حسن سمیت کسٹمز پریونیٹو کلب کے عہدیداران بھی موجود تھے۔ تقریب سے خطاب کرتے ہوئے عبدالرشید نے کہا کہ ہاکی ہمارے قومی کھیل کیساتھ پاکستانیوں کی پہچان بھی ہے ماضی میں قومی کھلاڑیوں بالخصوص، سمیع اللہ، حسن سردار، شہناز شیخ، اصلاح الدین، انوار احمد خان، شہباز سینئر اور سہیل عباس نے ہاکی کے ذریعے پاکستان کو عالمی اُفق پر روشناس کرایا اور نئی شناخت دی دنیا کے بڑے ممالک میں آج بھی پاکستان کوہاکی سے محبت کرنے والے ملک کے نام سے جانا اور پہچانا جاتا ہے جو ہمارے لئے اعزاز کی بات ہے ۔ تقریب سے رؤف عباسی، محمد علی خان، زاہد علی صدیقی، عرفان الحق اور دیگر نے بھی خطاب کیا۔
فرمان الہی
نماز کے اوقات
