بہاولپور(ڈسٹرکٹ رپورٹر)ناقص سکیو رٹی الزامات کاالزام، شہر کی بڑی اکیڈمی سیل کردی گئی، انٹری ٹیسٹ دینے والے 12 سو طلباء وطالبات کامستقبل داؤ پر لگ گیا، تفصیلات کے مطابق بہاولپور شہر کی مصروف ترین شاہرہ سرکلر روڈ پر واقع پلازہ کی تیسری منزل پر شہر کی بڑی اکیڈیمی کئی سالوں سے بہاولپور ڈویژن کے بچوں کو تعلیم فراہم کررہی تھی تاہم اکیڈیمی کی وجہ سے ٹریفک کے نظام میں مشکلات آنے پر ڈسٹرکٹ انتظامیہ اورپولیس کی جانب سے اکیڈیمی کو دوسری جگہ منتقل کرنے کادباؤ ڈالاجارہاتھا۔ جس پر اکیڈیمی انتظامیہ نے سرکٹ ہاؤس کے قریب ایک بڑی بلڈنگ کرائے پر حاصل کرلی۔ تاہم ابھی اکیڈیمی بلڈنگ میں شفٹ نہیں ہوئی تھی کہ گزشتہ روز پولیس کی جانب سے پلازہ میں واقع اکیڈیمی کوناقص سیکورٹی انتظامات کی وجہ سے سیل کردیاگیا۔ اکیڈیمی کے انچارج محمد عمران نے بتایاکہ اگراعلیٰ افسرا ن نے ان کی بات نہ سنی تو وہ عدالت سے رجوع کرنے پرمجبور ہونگے۔
فرمان الہی
نماز کے اوقات
