شہباز گِل کیخلاف ضرور قانونی کارروائی کی جائے، فیصل جاوید

17 اگست ، 2022

پی ٹی آئی رہنما سینیٹر فیصل جاوید نے کہا ہے کہ شہباز گِل نے بہت بڑی غلطی کی ہے، ان کا بیان قابلِ قبول نہیں ہے۔

سینیٹ میں اظہار بیان کرتے ہوئے سینیٹر فیصل جاوید نے کہا کہ شہباز گِل کے خلاف ضرور قانونی کارروائی کی جائے، لیکن قانون سب کیلئے برابر ہونا چاہیے۔

دوسری جانب پی ٹی آئی سندھ کے صدر علی زیدی نے بھی شہباز گِل کے بیان کو غلط قرار دیتے ہوئے کہا کہ شہباز گِل نے غلط بات کی لیکن آصف زرداری اور نواز شریف نے بھی بیانات دیے، ان کو کیوں جیلوں میں نہیں ڈالا جا رہا؟

واضح رہے کہ ڈسٹرکٹ اینڈ سیشن کورٹ اسلام آباد نے آج پی ٹی آئی رہنما شہباز گِل کے جسمانی ریمانڈ مسترد ہونے کے حکم کے خلاف نظرثانی درخواست پر انہیں مزید 48 گھنٹے کیلئے پولیس کے حوالے کردیا ہے۔

قومی خبریں سے مزید