شہباز گِل پر کسٹوڈیل ٹارچر ہو رہا ہے، پی ٹی آئی

18 اگست ، 2022

رہنما پی ٹی آئی اسد عمر اور بابر اعوان کا کہنا ہے کہ شہباز گِل پر کسٹوڈیل ٹارچر ہو رہا ہے، قانون میں ہے کہ کسی کو تشدد کا نشانہ نہ بنایا جائے۔

اسلام آباد میں میڈیا سے بات کرتے ہوئے اسد عمر نے کہا کہ پورے پاکستان کو پتہ ہے کہ شہباز گِل پر تشدد کیا گیا۔

اسد عمر کا کہنا تھا کہ شہباز گِل کو سانس کا ایشو ہوا رات پمز میں رہے ہیں۔

اس موقع پر موجود پی ٹی آئی رہنما بابر اعوان نے بھی میڈیا سے گفتگو کی اور بتایا کہ سی سی ٹی وی فوٹیج میں دیکھا جا سکتاہے کہ کیسے پستول کے بٹ مارے گئے۔

بابر اعوان نے کہا کہ عدالت میں شہباز گِل نے قمیض اٹھا کر تشدد کے نشانات دکھائے، آئین کے آرٹیکل 14ایف کو بھی پامال کیا جا رہا ہے۔

پی ٹی آئی رہنما نے کہا کہ اسپتال کو بھی تھانہ بنالیا گیا ہے، کسی کو ملنے نہیں دیا جا رہا۔

انہوں نے کہا کہ پولیس کی موجودگی میں جو اقبال جرم کرے اس کی اہمیت نہیں، ہم نے شہباز گِل کی زندگی، ذہنی حفاظت کی استدعا کی ہے۔

واضح رہے کہ گزشتہ روز عدالت نے شہباز گِل کو مزید 2 روز کیلئے پولیس کی تحویل میں دیا ہے۔

قومی خبریں سے مزید

لاہور میں پولنگ سامان کی ترسیل کیلئے گاڑیاں کم پڑ گئیں