پی سی بی کی نوجوان پلیئرز کو ڈومیسٹک کھیلنے کی ہدایت

پاکستان کرکٹ بورڈ (پی سی بی) نے نوجوان کھلاڑیوں کو غیر ملکی ٹورنامنٹ کے بجائے ڈومیسٹک کرکٹ کھیلنے کی ہدایت کردی۔ 

ذرائع کے مطابق نوجوان پلیئرز اعظم خان اور قاسم اکرم کو کیریبیئن پریمیئر لیگ (سی پی ایل) میں شرکت کی اجازت نہ مل سکی۔

ذرائع کا کہنا تھا کہ پی سی بی نے دونوں پلیئرز کو 30 اگست سے شروع ہونے والا قومی ٹی ٹوئنٹی ٹورنامنٹ کھیلنے کو کہہ دیا۔

ذرائع نے بتایا کہ عماد وسیم اور محمد عامر کو سی پی ایل کھیلنے کی اجازت مل گئی ہے، تاہم جو پلیئرز مستقبل کے پلانز میں ہیں ان کو لیگ کی بجائے ڈومیسٹک کھیلنے کا کہا گیا ہے۔

ذرائع کا کہنا تھا کہ مستقبل کے ایونٹس کی این او سی پر اس وقت کی مصروفیات کو دیکھ کر فیصلہ ہوگا۔