فرمان الہی
نماز کے اوقات
آسٹریلیا کے سابق کپتان ڈیوڈ وارنر نے سابق بھارتی کپتان ویرات کوہلی کو خوش نصیب قرار دیا ہے۔
بھارتی میڈیا رپورٹ کے مطابق ویرات کوہلی نے اپنے انسٹاگرام اکاؤنٹ سے اپنی اہلیہ اور اداکارہ انوشکا شرما کی کالے لباس میں خوبصورت تصویر شیئر کی۔
انہوں نے اپنی پوسٹ کے کیپشن سیکشن میں انوشکا شرما کےلیے دل اور دنیا کے ایموجی شیئر کیے اور اہلیہ کےلیے اپنی محبت کا اظہار کیا۔
ویرات کوہلی کی اس پوسٹ کو صرف 2 گھنٹوں میں بھارتی ٹینس اسٹار ثانیہ مرزا سمیت 26 لاکھ افراد نے لائیک کیا۔
میڈیارپورٹ کے مطابق ڈیوڈ وارنر نے ویرات کوہلی کی طرف سے شیئر کی گئی تصویر کی تعریف کی اور انہیں خوش نصیب قرار دیا۔
ویرات کوہلی جو آج ایشیا کپ کے سلسلے میں ٹیم کے ہمراہ دبئی میں ہیں، اُنہوں نے اپنی اہلیہ کےلیے رومانوی پوسٹ شیئر کی، جس پر ڈیوڈ وارنر نے خوبصورت انداز میں ردعمل دیا۔
کوہلی کی شیئر کردہ تصویر میں انوشکا شرما نے آنکھوں کو دھوپ سے بچانے کےلیے بالوں کا سہارا لیا ہے، وہ سیاہ لباس زیب تن کیے ہوئے ہیں اور کیمرے کو دیکھ کر مسکرا رہی ہیں۔
اس پوسٹ پر ویرات کوہلی اور انوشکا شرما کی جوڑی کو مداحوں کی طرف سے خوب پیار اور تعریفیں ملی ہیں، ایک صارف نے تبصرے میں کہا کہ ’بہت ہی رومانوی‘، ایک لڑکی نے لکھا کہ ’مجھے ایسا ہی شوہر چاہیے‘۔
ویرات کوہلی جو ان دنوں دبئی میں ہیں جبکہ انوشکا شرما خاتون کرکٹر کی زندگی پر مبنی فلم ’چکدا ایکسپریس‘ کی تیاریوں میں مصروف ہیں، ان کی پوسٹوں کو دیکھتے ہوئے بعض کا خیال ہے کہ شوہر کو اپنی بیوی کی کمی محسوس ہو رہی ہے۔
