کراچی ( جنگ نیوز) جیو نیوز کا قہقہوں سے بھرا طوفان ” خبرناک“ ا س اتوار کو پاناما لیکس کے گرد گھومے گا۔ پانامہ لیکس سے بہت سے گھروں میں صف ماتم بچھی تو دوسری طرف کچھ کے کاروبار کو چار چاند لگ گئے،دامن پر لگے داغ دھونے، جھوٹے کو سچا بنانے اور کرپشن کو چھپانے کیلئے پیر سائیں آ گئے میدان میں؟،میڈیا اورا سپیکر میری بات نہیں سنتے، رکن قومی اسمبلی جمشید دستی پارلیمنٹیرینز کیخلاف ثبوت بوری میں بھر کر پیر سائیں کے آستانے پر پہنچ گئے۔انجن مافیا سے لے کر کوٹیکنا تک تمام ثبوت میرے تھیلے میں ہیں لیکن اسے کھولنے کیوں نہیں دیتے۔؟سیاستدان، بیوروکریٹ اور بزنس مین کی نیندیں تو پانامہ نے حرام کی ہی تھیں ”میرا“ کیوں پریشان ہے؟کشور اور لتا کا یادگار دوگانا، گاتا رہے میرا دل تو ہی میری منزل اور ساجد بھائی کا چیلنج اور دیگر حشر سامانیاں بھی پروگرام کا خاصہ ہیں جسے آپ رات گیارہ بجے میزبان علی میر کے ساتھ دیکھ سکیں گے ۔دریں اثناء عظیم باکسر محمد علی کی زندگی کے بارے میں ایک دستاویزی فلم شام 4بجے جیو نیوز سے پیش کی جائے گی۔
فرمان الہی
نماز کے اوقات
