مردان ( نمائندہ جنگ ) صوابی روڈ پر زنڈو ڈھیر ی کے قریب کار اور موٹرسائیکل میں تصادم کے نتیجے میں ایک شخص جان بحق جبکہ 3راہگیر بچوں سمیت 5افراد زخمی ہوگئے شہبازگڑھی پولیس کے پاس رپورٹ درج کراتے ہوئے خالق آباد رستم کے رہائشی رحم تاج ولد گلاب نے بتایاکہ اس کا بھائی 34سالہ امین تاج موٹرسائیکل پر جارہاتھاکہ مخالف سمت سے آنے والے موٹرکار ڈرائیور محمد شہاب ولد گل زادہ ساکن مانیری نے غفلت اور تیز رفتاری کا مظاہر ہ کرتے ہوئے اسے ٹکر مار دیا جس سے وہ موقع پر جان بحق ہوگیاجبکہ بعدازاں گاڑی راہگیروں پر چڑھ دوڑائی جس سے تین بچوں سمیت پانچ افرادزخمی ہوگئے دریں اثناء پوھان کالونی کے قریب مسافر فلاننگ کوچ ڈرائیورسے بے قابو ہوکر سڑک کی سیفٹی وال کے ساتھ ٹکرا گئی جس کے نتیجے کوچ الٹ گئی جس میں سوار چھ افراد دوست محمد ،رضا خان ، سراج ،ثاقب ،ذیشان او رایک خاتون مسماۃ (م ) زخمی ہوگئی جنہیں فوری طورپر ڈی ایچ کیو ہسپتال پہنچادیاجہاں رضا اور خاتون کی حالت نازک بیان کی گئی ہے ۔
فرمان الہی
نماز کے اوقات
