• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سسٹم میں خرابی، ٹیسلا کو 11 لاکھ گاڑیاں واپس منگوانی پڑ گئیں

تازہ ترین
خاص رپورٹ
22 ستمبر ، 2022
کولاج فوٹو: فائل
کولاج فوٹو: فائل

ایلون مسک کی کمپنی ٹیسلا نے اپنی گاڑیوں میں خرابی آنے کے باعث 11 لاکھ گاڑیاں واپس منگوالیں۔ 

غیر ملکی میڈیا کی رپورٹ کے مطابق ٹیسلا نے صرف امریکا میں چلنے والی گاڑیوں کو واپس فیکٹری منگوالیا ہے۔ 

ایلون مسک نے پاکستان کا سب سے مشہور میم کیوں ٹوئٹ کیا؟

معروف امریکی کمپنی ٹیسلا اور اسپیس ایکس کے بانی ایلون مسک بھی پاکستان کے سب سے مشہور میم سے متاثر ہوگئے۔

بتایا جارہا ہے کہ ان گاڑیوں کا آٹومیٹک ریورسل سسٹم ٹھیک سے کام نہیں کر رہا جس کے باعث اس میں سوار افراد کے زخمی ہونے کا امکان ہے۔

غیر ملکی خبر رساں ایجنسی کی رپورٹ کے مطابق اس آٹو موبائل کمپنی نے نیشنل ہائی وے ٹریفک سیفٹی ایڈمنسٹریشن کو بتایا کہ وہ اپنی گاڑیوں کے متاثرہ سسٹم میں سافٹ ویئر اپ ڈیٹ کرے گا۔ 

میڈیا رپورٹس کے مطابق جن گاڑیوں کو واپس منگوایا گیا ہے ان میں 22-2017 کی ماڈل 3، 21-2020 کی ماڈل Y اور 22-2021 کی ماڈل S اور ماڈل X شامل ہیں۔ 

غیر ملکی میڈیا کی رپورٹ کے مطابق ٹیسلا کی جانب سے ان گاڑیوں کو واپس منگوانے کے پیچھے اس کی خرابی کی کوئی رپورٹ، وارٹنی کا دعویٰ، ٹریفک حادثے میں زخمی یا موت سامنے نہیں آئی۔ 

خاص رپورٹ سے مزید