فرمان الہی
نماز کے اوقات
امریکی فوج نے خلیج ہرمز کے قریب ایرانی میزائل تنصیبات پر طاقتور ’بنکر بسٹر‘ بموں سے حملہ کیا ہے۔
امریکی سینٹرل کمانڈ کے مطابق ایران کے خلاف یہ کارروائی میں تقریباً 5000 پاؤنڈ ( 2,268 کلوگرام) وزنی اور گہرائی تک تباہی پھیلانے والے بم استعمال کیے گئے جن کا ہدف ساحلی علاقوں میں قائم مضبوط ایرانی میزائل اڈے تھے۔
عرب میڈیا کے مطابق امریکی حکام کا کہنا ہے کہ ان مقامات پر موجود ایرانی اینٹی شپ کروز میزائل بین الاقوامی بحری جہاز رانی کے لیے خطرہ بن رہے تھے، اسی لیے کارروائی کی گئی، یہ حملہ خلیج ہرمز کو دوبارہ کھولنے کی پہلی بڑی فوجی کوشش قرار دیا جا رہا ہے۔
واضح رہے کہ ایران نے اس سے قبل امریکا اور اسرائیل کے خلاف جاری جنگ کے ردِعمل میں خلیج ہرمز بند کر دی تھی، بندش کے نتیجے میں عالمی توانائی منڈی میں شدید اتار چڑھاؤ اور قیمتوں میں اضافہ دیکھا گیا۔
فوجی ماہرین کے مطابق ’بنکر بسٹر‘ بم خاص طور پر زیرِ زمین یا مضبوط دفاعی تنصیبات کو تباہ کرنے کے لیے استعمال ہوتے ہیں، ایک بم کی قیمت تقریباً 2 لاکھ 88 ہزار ڈالر بتائی جاتی ہے تاہم یہ بم امریکی اسلحہ خانے کے سب سے بڑے 30 ہزار پاؤنڈ وزنی بموں سے کم طاقتور ہیں۔
