پرویز الہٰی نے عمران خان کا ساتھ دینے کی وجہ بتا دی

وزیرِ اعلیٰ پنجاب چوہدری پرویز الہٰی نے پاکستان تحریکِ انصاف (پی ٹی آئی) کے چیئرمین عمران کا ساتھ دینے کی وجہ بتا دی۔

چوہدری ظہور الہٰی کی برسی پر ظہور پیلس میں خطاب کرتے ہوئے پرویز الہٰی نے کہا کہ ن لیگ کی اصلیت سب کے سامنے ہے، اسی لیے میں نے اور مونس نے عمران خان کا ساتھ دیا۔

انہوں نے کہا کہ شہباز شریف کو وزیرِ اعظم بنا کر قوم کو کیا تحفہ پیش کیا گیا؟ ان کی مغلیہ سوچ سے ہم پہلے ہی واقف ہیں۔

جرمن کمپنی ماحول دوست پاور پلانٹ لگائے گی: وزیرِ اعلیٰ پنجاب

جرمن کمپنی نے پنجاب میں ماحول دوست ویسٹ ٹو انرجی پاور پلانٹ لگانے میں دلچسپی کا اظہارِ کیا ہے۔

چوہدری پرویز الہٰی کا کہنا ہے کہ اسلام آباد تک محدود اس خاندان کو ماڈل ٹاؤن کے مقدمے میں عمر قید کی سزا ہو گی۔

وزیرِ اعلیٰ پنجاب نے کہا کہ بیرونِ ملک جا کر ایسا لگ رہا ہے کہ شہباز شریف واپسی کی ٹکٹ بھی مانگیں گے۔

ان کا مزید کہنا ہے کہ تعمیر و ترقی کے اقدامات آئندہ چند ماہ میں نظر آنا شروع ہو جائیں گے۔

پرویز الہٰی کا یہ بھی کہنا ہے کہ اپنی مرضی کرنے والی اولاد کو پیار سے سمجھا کر واپس لانا ہی عقلمندی ہے، یہاں بھی عقلمندی کا ثبوت آئندہ ایک دو ماہ میں آپ کو نظر آنا شروع ہو جائے گا۔