فرمان الہی
نماز کے اوقات
صدر مملکت آصف علی زرداری کی عراقی ہم منصب عبداللطیف جمال راشد سے بغداد میں ملاقات ہوئی۔
ایوان صدر کے اعلامیہ کے مطابق عراقی صدارتی محل آمد پر صدر مملکت کے اعزاز میں استقبالیہ تقریب منعقد ہوئی۔
ایوان صدر کے اعلامیہ کے مطابق صدر آصف علی زرداری کو گارڈ آف آنر پیش کیا گیا، صدر مملکت اور عراقی ہم منصب کے درمیان ون آن ون ملاقات ہوئی۔
ایوان صدر کے اعلامیہ کے مطابق پاکستان اور عراق کے صدور کے درمیان وفود کی سطح پر بھی مذاکرات ہوئے، صدر مملکت نے بھرپور استقبال پر صدر عبداللطیف جمال راشد کا شکریہ ادا کیا۔
اس موقع پر صدر مملکت نے کہا کہ بغداد تہذیب اور تمدن اور استقامت کی علامت تاریخی شہر ہے۔
صدر آصف علی زرداری نے پارلیمانی انتخابات کے کامیاب انعقاد پر عراقی قیادت اور عوام کو مبارکباد پیش کی۔
صدر مملکت نے عراق میں نئی حکومت کی تشکیل کے لیے نیک تمناؤں کا اظہار کیا اور عراق کی خود مختاری، علاقائی سلامتی اور وحدت کےلیے غیرمتزلزل حمایت کااعادہ کیا۔
