میں نے کہہ دیا آرمی چیف کو میرٹ پر آنا چاہیے، مصیبت پڑ گئی ، عمران خان

چیئرمین پاکستان تحریک انصاف (پی ٹی آئی) عمران خان نے کہا ہے کہ میں نے کہہ دیا آرمی چیف کو میرٹ پر آنا چاہیے تو مصیبت پڑ گئی۔

لاہور میں علماء کنونشن سے خطاب کے دوران عمران خان نے کہا کہ میرٹ انصاف کا حصہ ہے، میں نے پاکستان میں میرٹ نہیں دیکھا۔

چند ہفتے بعد عمران خان وزیراعظم کا حلف اٹھائیں گے، فیصل جاوید کا دعویٰ

پاکستان تحریک انصاف کے سینیٹر فیصل جاوید نے دعویٰ کیا ہے کہ چند ہفتوں میں عمران خان ایک بار پھر وزرات عظمیٰ کا حلف اٹھائیں گے۔

انہوں نے کہا کہ بیرونی سازش کرکے ملک کے نامور ڈاکو ہم پر مسلط کیے گئے، پاکستان میں 2 خاندانوں کے سوا کوئی اوپر نہیں آسکتا۔

پی ٹی آئی چیئرمین نے مزیدکہا کہ یہ ملک کو لوٹتے ہیں باہر جاتے ہیں اور آین آر او لے کر واپس آکر پھر ملک کو لوٹتے ہیں، جو قوم بڑے ڈاکوؤں کو معاف کردیتی ہے وہ تباہ ہوجاتی ہے۔

اُن کا کہنا تھا کہ ملکوں میں غربت کی ایک ہی وجہ ہے وہاں کے حکمران پیسا چوری کرتے ہیں، غریب عوام کا پیسا چوری کرکے باہر جاؤ اور پھر آکر کہو کہ این آر او دے دو۔

عمران خان نے یہ بھی کہا کہ کہا جاتا ہے میں بہت ضدی ہوں، کہتے ہیں چوروں کومعاف کردیں اور آگے بڑھیں۔

انہوں نے کہا کہ سوئٹزر لینڈ کے پاس پہاڑوں کے سوا کچھ نہیں لیکن خوشحال ملک ہے وہاں قانون کی حکمرانی ہے۔