• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بختاور بھٹو کا آصف زرداری کی ناساز طبیعت سے متعلق اہم ٹوئٹ

تازہ ترین
قومی خبریں
29 ستمبر ، 2022
تصویر بشکریہ سوشل میڈیا
تصویر بشکریہ سوشل میڈیا

سابق صدر آصف علی زرداری کی صاحبزادی بختاور بھٹو کی جانب سے والد کی ناساز طبیعت سے متعلق اہم ٹوئٹ کیا گیا ہے۔

بختاور بھٹو نے مائیکرو بلاگنگ ویب سائٹ ٹوئٹر پر پیغام جاری کرتے ہوئے لکھا ہے کہ آصف زرداری کو کورونا وائرس کی چند علامات کا سامنا ہے، ان کے پھیپھڑوں کے قریب دوبارہ پانی جمع ہوگیا ہے، اسی وجہ سے آصف زرداری سیلاب کے دوران نظر نہیں آ رہے مگر ان کے بچے (جیالے، کارکنان)  سیلاب سے متاثرہ علاقوں میں پہنچ رہے ہیں۔

بختاور بھٹو زرداری نے اپنے ٹوئٹ میں سب کے پیغامات اور دعاؤں کا شکریہ بھی ادا کیا ہے۔

آصف زرداری کی طبیعت ناساز، نجی اسپتال داخل

سابق صدر اور پیپلز پارٹی کے شریک چیئرمین آصف علی زرداری کی طبیعت خراب ہوگئی، انہیں کلفٹن کے نجی اسپتال میں داخل کرایا گیا ہے۔

واضح رہے کہ گزشتہ روز سابق صدر آصف علی زرداری کی طبیعت بگڑنے کے سبب اِنہیں کلفٹن کے نجی اسپتال میں داخل کرایا گیا تھا جہاں سابق وفاقی وزیر ڈاکٹر عاصم کی سربراہی میں ماہر ڈاکٹروں کے بورڈ نے آصف زرداری کا معائنہ کیا تھا۔

ذرائع کے مطابق سابق صدر کے پھیپڑوں کا آپریشن اور دیگر ٹیسٹ آج کیے جائیں گے۔

ذرائع کے مطابق آصف علی زرداری ایک ماہ سے زائد عرصے سے علیل ہیں۔

قومی خبریں سے مزید