سندھ: سیلاب گزرنے کے باوجود درجنوں گاؤں تاحال زیر آب

سندھ میں سیلاب گزرنے کے کئی ہفتوں بعد بھی نوشہرو فیروز کے چالیس گاؤں تاحال پانی میں گھرے ہوئے ہيں۔

مختلف مقامات پر پانچ پانچ فٹ پانی جمع ہونے سے نظامِ زندگی مفلوج ہے جبکہ مکینوں کا شہر سے رابطہ بدستور منقطع ہے۔

دادو: متاثرینِ سیلاب کیلئے آیا طبی سامان چوری ہو گیا

سندھ کے شہر دادو کی تحصیل میہڑ کے علاقے ایاز کالونی میں متاثرینِ سیلاب کے لیے لایا گیا طبی سامان گاڑی سمیت چوری ہو گیا۔

دوسری جانب سانگھڑ کے متعدد دیہات بھی پانی میں گھرے ہوئے ہیں، متاثرین کے لیے اپنے بیمار عزیزوں کو اسپتال پہنچانا بھی انتہائی مشکل ہوگيا ہے۔

ادھر نوابشاہ میں بھی سیلابی پانی اب تک جمع ہونے کے باعث بیماریاں پھیلنے کا خدشہ پیدا ہوگیا ہے۔