شیخوپورہ(نمائندہ جنگ ) لاہور روڈ پر قلعہ ستار شاہ سٹاپ کے نزدیک پولیس پارٹی کا روپ دھار کر ناکہ لگا کر کھڑے چھ ڈاکوؤں نے لاہور ایئرپورٹ سے سانگلہ ہل جانیوالی کار کو روک لیا اور اس میں سوار عابد علی جو ماہ رمضان پاکستان میں گزارنے سعودی عرب سے آیا تھا کو اتار کر لاکھوں روپے مالیت کی ملکی و غیر ملکی کرنسی سے محروم کردیا اور فرار ہوگئے، اس واردات کے بعد لٹنے والے عابد علی اور اس کے اہلخانہ سمیت متعدد افراد نے اس واردات کے خلاف شدید احتجاج بھی کیا، فیصل آباد روڈ پر مانانوالہ کے نزدیک پانچ ڈاکو زمیندار امان اللہ سے لاکھوں روپے مالیت کے مویشی چھین کر فرار ہوگئے، رانا ٹاؤن میں دو ڈاکو نوجوان مرزا ندیم بیگ سے موٹر سائیکل، 35سو روپے اور موبائل فون چھین کر فرار ہوگئے، تھانہ صدر فاروق آباد کے علاقہ ڈیرہ اوڈھاں میں چوروں نے نقب لگا کر شہری راشد علی کے گھر سے قیمتی سامان اور زیورات و نقدی نکالی اور فرار ہوگئے، تھانہ سٹی بی ڈویژن کے علاقہ سرگودھا روڈ بتی چوک کے قریب نامعلوم چوروں نے شیراز نیازی اور دیگر تین دکانوں کے تالے کاٹ کر قیمتی سامان چوری کرلیا ، تھانہ فیروزوالہ کے علاقہ رانا ٹاؤن میں چور عدنان اصغر کی موٹر سائیکل چوری کرلی، تھانہ اے ڈویژن کے علاقہ شرقپور روڈ میلاد چوک سے عرفان کی نئی موٹر سائیکل چور لے اڑے۔
فرمان الہی
نماز کے اوقات
