فرمان الہی
نماز کے اوقات
لاہور(نمائندہ جنگ) لاہور ہائیکورٹ میں اعتزاز احسن نے میڈیا سے گفتگو کرتے ہوئے کہا کہ میں ہمیشہ کہتا ہوں پاکستان میں ماضی کے علاوہ کوئی پیشگوئی نہیں ہوسکتی، کوئی 6ماہ پہلے یہ کہہ سکتا تھا کہ ساری بساط الٹی ہوجائیگی، عمران خان زمین پر ہوگا اور بھاگا ہوا مفرور مجرم نواز شریف تخت پر ہوگا، اسکی بیٹی مریم نواز بھی اسکے پاس پہنچی ہوئی ہوگی، وہ انہی ایون فیلڈ اپارٹمنٹس میں بیٹھے ہمارا منہ چڑا رہے ہونگے،پاکستان میں کوئی بھی پیشگوئی نہیں کی جاسکتی ہے،اگر کوئی سیاست شرافت کے مطابق کررہا ہے تو وہ بلاول بھٹو اور آصف زرداری ہیں، وہ تمیز اور شائستگی کے ساتھ بات کرتے ہیں،وزیر خارجہ سیلاب متاثرین کی امداد کیلئے دنیا بھر میں بھاگتا پھر رہا ہے،ہمارے وزراء تو نکل ہی نہیں پائے ،رانا ثناءاللہ کہتا ہے لانگ مارچ والے دن اس نے اسلام آباد کے اطراف حصار بنا لینا ہے اگر وہ حصار ،فصیل اور ایک قید خانہ بن گئی تو وہ کیا کریگا؟رانا ثنا اللہ آپ لوگوں کے مال سے بھرے ہوئے کنٹینر کھڑے کررہے ہیں، رانا صاحب آپ دس دس کنٹینروں کی دیوار کھڑی کردیں لیکن اس کے پار بھی کوئی اتھارٹی ہے، نیب لانڈری اور انجینرنگ کیلئے استعمال ہوتی ہے۔
