فرمان الہی
نماز کے اوقات
قومی اسمبلی کے حلقہ 237 میں پی پی پی کی فتح کے جشن کے حوالے سے پارٹی چیئرمین بلاول بھٹو زرداری ملیر کراچی پہنچے۔ شہید بےنظیر بھٹو کی صاحبزادی بی بی آصفہ بھٹو زرداری بھی ان کے ہمراہ موجود تھیں۔
بلاول بھٹو زرداری کا ملیر 15 کے مقام پر فقیدالمثال استقبال کیا گیا اور علاقہ جئے بھٹو کے نعروں سے گونج اٹھا۔ بلاول بھٹو زرداری کی آمد پر پھولوں کی پتیاں نچھاور کی گئیں اور جیالوں نے روایتی رقص کیا۔
بلاول بھٹو کے استقبال کےلیے ہزاروں کی تعداد میں ملیر کے عوام جمع ہوگئے، خواتین اور بچوں کی بھی کثیر تعداد موجود تھی۔ بلاول بھٹو ملیر سٹی سے اولڈ تھانہ بھی گئےجہاں ان کا شاندار استقبال ہوا۔
وہ اولڈ تھانہ، میمن گوٹھ اور مائی نہاٹی سے ہوتے ہوئے درسانو چنو پہنچےجہاں جگہ جگہ ان کا استقبال ہوا۔
بلاول بھٹو زرداری پی ٹی آئی چیئرمین عمران خان کو شکست دینے والے جیالے نو منتخب رکن قومی اسمبلی حکیم بلوچ کی رہائش گاہ بھی پہنچے۔
