ملتان(نمائندگان) ملتان سمیت کئی شہروں میں گزشتہ روز تیز آندھی آئی جبکہ ڈیرہ غازی خان شہر اور گردو نواح میں شدید گرمی اور حبس کے بعد اچانک آسمان پربادل چھا گئے اور تیز ہواکے ساتھ بارش ہوئی جس سے موسم خوشگوار ہو گیا ،گرمی کی شدت سے روزہ داروں کے مرجھائے چہرے کھل اٹھے، بارش کے باعث شمس آباد کالونی میں حاجی محمد حسین کے مکان کی چھت گرنے سے اس کی اہلیہ عائشہ مائی ، اور 4بچے احتشام ، عصمت اللہ ، اسراء بی بی اور آمنہ مائی شدید زخمی ہوگئے ، ریسکیو1122کے اہلکاروں نے زخمیوں کو ڈیرہ ہسپتال کے ٹراما سنٹر منتقل کر دیا، اسی طرح بلاک نمبر 1میں خوشی محمد نامی شخص کے گھر کی دیوار گر گئی تاہم کوئی جانی نقصان نہیں ہوا ۔سکندر آباد میں شدیدآندھی کے باعث ٹی ایم اے کی جانب سے لگائے گئے رمضان بازارکے شامیانے اکھڑگئے اورسامان آندھی کے سبب خراب ہوگیا۔ مزیدبرآںآندھی کےباعث آموں کے باغات کوبھی شدیدنقصان پہنچا۔
فرمان الہی
نماز کے اوقات
