فرمان الہی
نماز کے اوقات
مسلم لیگ (ن) کے سینئر رہنما اور سابق وزیراعظم شاہد خاقان عباسی نے کہا ہے کہ عمران خان کے لانگ مارچ کے باوجود حکومت برقرار رہے گی۔
جیو نیوز کے پروگرام ’آج شاہزیب خانزادہ کے ساتھ‘ میں شاہد خاقان عباسی نے کہا کہ عمران خان لانگ مارچ کریں یا جو مرضی کریں، انشاء اللّٰہ حکومت برقرار رہے گی۔
انہوں نے کہا کہ لانگ مارچ سے حکومت گرانے کی روایت پڑ گئی تو نہ سیاست بچے گی نہ جمہوریت بچ پائے گی۔
ن لیگی رہنما نے مزید کہا کہ ریاستی اور آئینی اداروں کی ذمہ داری ہوتی ہے کہ وہ حکومت کا دفاع کریں۔
ان کا کہنا تھا کہ اسلام آباد کوئی دہلی کا تخت نہیں کہ جو وہاں پہنچ گیا اُس نے وہاں قبضہ کرلیا۔
