سرگودھا کے کارخانہ بازار میں موجود دوکانوں میں آتشزدگی کے باعث لاکھوں روپے مالیت کا سامان جل گیا۔فائربریگیڈ کی 5گاڑیوں کی آگ پر قابو پانے کیلئے کوششیں جاری۔
شہر کے معروف کارخانہ بازار میں موجود جوتوں کی ایک دکان میں لگنے والی آگ تیزی سے پھیل گئی اور قریبی دکانوں کو بھی آگ نے اپنی لپیٹ میں لے لیا جس کی وجہ سے برتنوں اور جوتوں کی دکانوں میں موجود لاکھوں روپے مالیت کا سامان جل گیا جبکہ جوتوں کی دکان کی بلڈنگ کی چھت دھماکے سے پھٹ گئی ۔
فائربریگیڈ کی 5سے زائد گاڑیوں نے آگ پر قابو پانے کیلئے امدادی کاروائیاں شروع کر دی ہیں ۔
ریسکیو ذرائع کے مطابق آگ شارٹ سرکٹ کے باعث لگی جس کی وجہ سے لاکھوں روپے کے جوتے اور دیگر سامان جل گیا ہے ۔کارخانہ بازار کی ان دکانوں میں زیادہ تر سامان عید کی وجہ سے اسٹاک کیا گیا تھا ۔
فرمان الہی
نماز کے اوقات
