بہاولپور میں تلخ کلامی کے باعث دلہا کو دلہن کے بغیر واپس بھیج دیا گیا

پنجاب کے شہر بہاولپور میں تلخ کلامی کے بعد لڑکی والوں نے دلہا اور اس کے گھر والوں کو دلہن کے بغیر بھیج دیا۔

شادی کی تقریب کے دوران  دلہن والوں کی دلہا، اس کے بھائی اور باراتیوں سے تلخ کلامی ہوئی۔

دلہے نے الزام عائد کیا کہ لڑکی والوں نے غیر رجسٹرڈ نکاح کروانے کی خواہش کی، غیر رجسٹرڈ نکاح کی شرط ہم نے نہیں مانی، جس کے بعد لڑکی والوں نے مار پیٹ کر کے ہمیں شادی ہال سے نکال دیا۔

دلہا کا کہنا ہے کہ دلہن والوں نے شادی میں شریک ایک لڑکے سے نکاح کرواکے لڑکی کو رخصت کردیا۔

پولیس کا کہنا ہے کہ واقعے کی تحقیقات شروع کردی گئی ہے۔