راولپنڈی: لانگ مارچ اور ٹیسٹ میچ کو بھرپور سیکیورٹی دینے کا فیصلہ

25 نومبر ، 2022

راولپنڈی میں پاکستان تحریکِ انصاف (پی ٹی آئی) کے لانگ مارچ اور پاک انگلینڈ ٹیسٹ سیریز کے لیے بھرپور سیکیورٹی دینے کا فیصلہ کر لیا گیا۔

یہ فیصلہ لاہور میں قائم مقام آئی جی پنجاب کنور شاہ رخ کی زیرِ صدارت منعقدہ اعلیٰ سطح کے اجلاس میں کیا گیا۔

اجلاس میں راولپنڈی میں لانگ مارچ اور ٹیسٹ میچ کی سیکیورٹی کا جائزہ لیا گیا۔

قائم مقام آئی جی پنجاب کنور شاہ رخ نے اجلاس سے خطاب کرتے ہوئے کہا کہ لانگ مارچ کے شرکاء اور کھلاڑیوں سمیت تمام غیر ملکی مہمانوں کو سیکیورٹی دی جائے گی۔

انہوں نے ہدایت کی کہ راولپنڈی میں لانگ مارچ اور کرکٹ میچ کے پیشِ نظر ٹریفک کا متبادل پلان تشکیل دیا جائے، کسی شاہراہ کو غیر ضروری طور پر بند نہ کیا جائے ۔

قائم مقام آئی جی پنجاب کنور شاہ رخ نے یہ بھی کہا کہ اس دوران لاہور اور ملحقہ علاقوں میں روزانہ کی بنیاد پر سرچ، سوئپ اور کومبنگ آپریشنزجاری رکھے جائیں گے۔

قومی خبریں سے مزید