ہر گزرتے لمحے کے ساتھ عمران خان کی اصلیت سامنے آ رہی ہے، مریم اورنگزیب

وفاقی وزیر اطلاعات مریم اورنگزیب کا کہنا ہے کہ افواج پاکستان کے خلاف غلیظ مہم اور دماغی مرض میں گالیوں سے ہر گزرتے لمحے کے ساتھ عمران خان کی اصلیت سامنے آ رہی ہے۔

اپنے بیان میں مریم اورنگزیب نے کہا کہ آج پی ٹی آئی کے رہنما اعظم سواتی نے فوج کی اعلیٰ قیادت کے خلاف انتہائی نازیبا الفاظ استعمال کیے تھے اور گالیاں بھی دی تھیں۔

مریم اورنگزیب نے مزید کہا کہ صحافیوں پر تشدد اور افسران کو گالیوں کے واقعات انتہائی قابل مذمت اور شرمناک ہیں۔

انہوں نے کہا کہ یہ گالیاں نہیں مسترد ہونے کی فرسٹریشن ہے یہ صحافیوں پر تشدد نہیں پاگل پن کی نشانیاں ہیں۔