حیدر آباد، سکھر موٹروے کرپشن کیس: 3 ملزمان 10 روز کیلئے ایف آئی اے کے حوالے

27 نومبر ، 2022

حیدرآباد سکھر موٹروے کرپشن کیس میں عدالت نے بینک منیجر سمیت 3 ملزمان کو 10 روزہ جسمانی ریمانڈ پر وفاقی تحقیقاتی ادارے (ایف آئی اے) کے حوالے کردیا۔

نوشہروفیروز جوڈیشل مجسٹریٹ کی عدالت میں مبینہ طور پر 3 ارب روپے سے زائد کی کرپشن پر ملزمان کو پیش کیا گیا۔

نوشہرو فیروز کی عدالت نے ایم 6 موٹر وے کے نوشہرو فیروز سیکشن میں کرپشن کیس میں ملزمان کو ایف آئی اے کے حوالے کیا۔

ایم 6 موٹر وے نوشہرو فیروز سیکشن میں زمین کی خریداری کے فنڈ میں مبینہ طور پر 3 ارب روپے سے زائد کی کرپشن کی گئی۔

چیف سیکریٹری کی سربراہی میں 2 رکنی ٹیم نے موٹروے ایم 6 مبینہ کرپشن کی رپورٹ جاری کردی ہے۔

رپورٹ کے مطابق زمین کی خریداری کے لیے لینڈایکوزیشن آفیسر کا اکاؤنٹ بینک میں نہیں کھلوایا گیا، جو چیک کا حصہ دفتر میں ہے، اس پر کسی کے بھی دستخط نہیں ہیں۔

رپورٹ کے مطابق کچھ چیک ایک سے زائد زمینداروں کے نام پر جاری کیے گئے، چیکس پر لینڈ ایکوزیشن آفیسر کے بجائے ڈی سی نے سائن کیے ہیں۔

چیف سیکریٹری کی رپورٹ کے مطابق بینک سے ایڈوانس رقم لی گئی، جس کا ڈی سی آفس میں ریکارڈ نہیں ہے۔

رپورٹ کے مطابق بینک سے 3 ارب چالیس کروڑ نکلوائے گئے اور بیرون ملک مقیم افراد کو رقوم بھیجی گئی۔

قومی خبریں سے مزید