فضل الہٰی کی گرفتاری سے متعلق ڈپٹی اسپیکر کو خط

پولیس نے تحریک انصاف کے رکن صوبائی اسمبلی فضل الہٰی کی گرفتاری سے متعلق ڈپٹی اسپیکر خیبرپختونخوا اسمبلی کو خط لکھ دیا ہے۔

خط کے متن کے مطابق 3 نومبر کو درج کی گئی ایف آئی آر میں فضل الہٰی پولیس کو مطلوب ہیں، متعلقہ حکام کو ملزم کے کیس اور گرفتاری سے متعلق مطلع کیا جاتا ہے۔

پی ٹی آئی کے رکن خیبرپختونخوا اسمبلی فضل الہٰی نے جیو نیوز سے گفتگو کرتے ہوئے کہا کہ اسپیکر سے میری گرفتاری کی اجازت مانگی گئی ہے۔

فضل الہٰی کا کہنا ہے کہ پشاور میں موجود ہوں، تمام مقدمات کا سامنا کروں گا، پولیس جب بھی گرفتار کرتی ہے، کرے، مجھےکوئی پرواہ نہیں۔

واضح رہے کہ دوران احتجاج پولیس گاڑی کو نقصان پہنچانے پر مظاہرین کے خلاف ایف آئی آر کاٹی گئی تھی۔