کروشیا میں مگ 21 لڑاکا طیارہ گر کر تباہ

کروشیا میں مگ 21 لڑاکا طیارہ گر کر تباہ ہوگیا، دونوں پائلٹ طیارے سے نکلنے میں کامیاب رہے۔

کروشین وزارت دفاع کے مطابق مگ 21 لڑاکا طیارہ فوجی مشقوں کے دوران گر کر تباہ ہوا۔

حکام کے مطابق طیارہ حادثے میں دونوں پائلٹ طیارے سے نکل کر زمین پر بحفاظت لینڈ کر گئے، انہیں معمولی زخم آئے ہیں۔

کروشین حکام کا کہنا ہے کہ طیارہ ممکنہ طور پر تکنیکی خرابی کے باعث گرا ہے۔