کرسٹیانو رونالڈو نے کوارٹر فائنل سے قبل پیغام جاری کردیا

فیفا ورلڈ کپ میں مراکش سے کوارٹر فائنل میں مقابلے سے پہلے پرتگال کے کپتان کرسٹیانو رونالڈو نے پیغام جاری کردیا۔

سوشل میڈیا اکاؤنٹ پر کرسٹیانو رونالڈو نے لکھا کہ پرتگال پہلے ہی یہ ورلڈ کپ جیت چکا ہے، جو حمایت اور محبت ہم نے قطر اور پرتگال میں محسوس کی وہ ناقابل یقین ہے۔

کرسٹیانو رونالڈو نے لکھا کہ اچھے اور برے وقت میں ہماری سپورٹ جاری رکھیں، ہم آپ کو فتوحات کے ساتھ بدلہ دینے کے لیے سب کچھ کریں گے۔

واضح رہے کہ ورلڈ کپ میں آج مراکش اور پرتگال کے درمیان کوارٹر فائنل کھیلا جائے گا۔