پنجاب کے میدانی علاقے دھند کی لپیٹ میں

پنجاب کے میدانی علاقے آج بھی دھند کی لپیٹ میں ہیں، گہری دھند کے باعث موٹروے ایم 2 لاہور سے شیخوپورہ تک بند کردی گئی۔

موٹروے پولیس کے مطابق لاہور ملتان موٹروے فیض پور سے سمندری تک بند اور لاہور سیالکوٹ موٹروے ایم 11 بھی بند کردی گئی ہے۔

موٹر وے ایم 1 صوابی تا رشکئی کھول دی گئی

دھند کی شدت کے باعث صوابی سے رشکئی تک بند کی گئی موٹر وے ایم 1 دھند کی شدت میں کمی کے بعد ہر قسم کے ٹریفک کے لیے کھول دی گئی ہے۔

موٹروے ایم 5 شیر شاہ انٹرچینج سے ترنڈہ محمد پناہ تک بند کردی گئی ہے، اسی طرح راجن پور کی انڈس ہائی وے پر بھی حد نگاہ صفر ہوگئی ہے۔