وزیراعلیٰ ڈی نوٹیفائی، پی ٹی آئی اور ق لیگ کا عدالت جانے کا فیصلہ

گورنر پنجاب کی جانب سے وزیراعلیٰ پرویز الہیٰ کو ڈی نوٹیفائی کرنے کے بعد پاکستان تحریک انصاف اور ق لیگ کی قیادت نے ہنگامی اجلاس طلب کیا جس میں گورنر کے اقدام کے خلاف آج عدالت جانے کا فیصلہ کیا گیا۔

رپورٹس کے مطابق اجلاس میں رہنماؤں نے اسپیکر کی جانب سے گورنر کے خلاف آئینی آپشنز پر غور کیا۔

اس موقع پر رہنماؤں نے گورنر پنجاب کے خلاف صدر سے رجوع کرنے پر بھی مشاورت کی۔

گورنر پنجاب کے نوٹیفکیشن کی کوئی قانونی حیثیت نہیں، فواد چودھری

سماجی رابطے کی ویب سائٹ ٹوئٹر پر اپنے بیان میں فواد چودھری نے کہا کہ پرویز الہیٰ اور صوبائی کابینہ بدستور اپنے فرائض سرانجام دیتی رہے گی۔

اجلاس میں پرویز الہٰی، مونس الہٰی، اسپیکر پنجاب اسمبلی، راجا بشارت اور ایڈووکیٹ جنرل پنجاب سمیت دیگر رہنما شریک ہوئے۔

اسپیکر سبطین خان نے کہا کہ صدر کو لکھا ہے کہ گورنر نے غیرقانونی اقدام کیا ہے، ایکشن لیں۔