وزیرِ اعلیٰ پنجاب ڈی نوٹیفائی: ن لیگ اور پی ٹی آئی کے مشاورتی اجلاس طلب

23 دسمبر ، 2022

گورنر پنجاب کی جانب سے وزیرِ اعلیٰ پنجاب کو ڈی نوٹیفائی کرنے کے معاملے پر مشاورت کے لیے مسلم لیگ ن اور پی ٹی آئی کی جانب سے مشاورتی اجلاس طلب کر لیے گئے۔

مسلم لیگ ن نے ارکانِ صوبائی اسمبلی کو گورنر ہاؤس پہنچنے کی ہدایت کر دی۔

گورنر ہاؤس لاہور میں منعقدہ اجلاس میں سیاسی صورتِ حال پر حکمتِ عملی مرتب کی جائے گی۔

عمران خان نے بھی پارٹی رہنماؤں کو طلب کر لیا

ادھر وزیرِ اعلیٰ پنجاب پرویز الہٰی کو ڈی نوٹیفائی کرنے کے معاملے پر پی ٹی آئی چیئرمین عمران خان نے زمان پارک میں پارٹی رہنماؤں کو طلب کر لیا۔

ذرائع نے بتایا ہے کہ عمران خان پارٹی رہنماؤں سے موجود سیاسی صورتِ حال پر مشاورت کریں گے۔

گورنر پنجاب نے وزیرِ اعلیٰ کو ڈی نوٹیفائی کر دیا

واضح رہے کہ گزشتہ شب گورنر پنجاب بلیغ الرحمٰن نے وزیرِ اعلیٰ پنجاب چوہدری پرویز الہیٰ کو ڈی نوٹیفائی کر دیا تھا۔

گورنر پنجاب کے آرڈر میں کہا گیا ہے کہ چوہدری پرویز الہٰی نے آئین کے آرٹیکل 130(7) کے تحت جاری آرڈر میں مقررہ دن اور وقت پر اعتماد کا ووٹ لینے سے گریز کیا اس لیے انہیں ڈی نوٹیفائی کیا جاتا ہے، جبکہ اس آرڈر کے تحت پنجا ب کابینہ بھی تحلیل کی جاتی ہے۔