فرمان الہی
نماز کے اوقات
کراچی (نیوز ڈیسک) پاکستانی فلم ’دی لیجنڈ آف مولا جٹ‘ بھارت میں ریلیز کیلئے تیار، یہ ایک دہائی سے زیادہ عرصے میں بھارت میں تھیٹر میں ریلیز ہونے والی پاکستان کی شاید پہلی فلم ہوگی، ان آکس (INOX) لیژر لمیٹڈ کے چیف پروگرامنگ آفیسر راجیندر سنگھ جیالا کا کہنا ہے کہ اسے پنجاب اور دہلی کے چند تھیٹروں میں ان آکس میں لگایا جائیگا جہاں پنجابی لوگ رہتے ہیں۔
بھارتی اخبار کے مطابق ملٹی پلیکس چین پی وی آر سینماز نے اپنے آفیشل انسٹاگرام پیج پر ریلیز کا اعلان شیئر کیا تھا لیکن جلد ہی اسے حذف کر دیا۔ حذف کی گئی پوسٹ میں کہا گیا تھا ’پیش کر رہے ہیں دی لیجنڈ آف مولانا جٹ کا آفیشل پوسٹر ! اس جمعے کو پی وی آر میں آرہی ہے‘۔
ایکشن ڈرامہ، جو 10 ملین امریکی ڈالر کما کر اب تک کی سب سے زیادہ کمائی کرنے والی پاکستانی فلم بن گئی ہے، 13 اکتوبر کو پاکستان میں ریلیز کی گئی تھی۔
اس کے ستارے ماہرہ اور فواد اپنے مقبول پاکستانی ڈرامے ’ہمسفر‘ اور بالی ووڈ کے ذریعے بھی بھارتی ناظرین میں مقبول ہیں۔
فواد، جو حال ہی میں سپر ہیرو سیریز مس مارول میں نظر آئے تھے، نے خوبصورت، کپور اینڈ سنز اور اے دل ہے مشکل میں کام کیا ہے جبکہ ماہرہ شاہ رخ خان کی فلم رئیس میں نظر آئی تھیں۔ بھارت میں تھیٹر میں ریلیز ہونے والی آخری پاکستانی فلم بول تھی جس میں ماہرہ نے 2011 میں اداکاری کی تھی۔
