منڈی فیض آباد (نامہ نگار ) صُوبائی وزیر قانون رانا ثناء اللہ نے کہا ہے کہ پاناما لیکس شوشہ عمران خان کی آف شور کمپنی نکل آنے پر اپنی موت آپ مر گیا، شیریں مزاری کا خاتون ہونے پر بے پناہ احترام ہے مگرجھوٹ بولنے میں وہ اپنا ثانی نہیں رکھتیں، انہو ں نے کہا کہ اُنہیں لگتا ہے کہ پاناما لیکس کو ڈرامہ بنانے میں انڈیا کے 30ملین ڈالر ز کام دکھا رہےہیں مگرپاناما لیکس کا شوشہ عمران خان کی اپنی آف شور کمپنی نکل آنے پر اپنی موت آپ مر چکا ہے، اس لئے 2018کا الیکشن بھی ہماری جماعت بھاری اکثریت سے جیتے گی۔ ان خیالات کا اظہار اُنہوں نے مقامی رائس مل میں چوہدری محمد شفیع کی جانب سے وزیر اعظم کی صحت یابی کےلئے منعقدہ دعائیہ تقریب میں شرکت کے بعد میڈیا سے گفتگو میں کیا۔
فرمان الہی
نماز کے اوقات
