اسلام آباد (اے پی پی) ساؤتھ ایشین کیڈیٹس اینڈ جونیئر ٹیبل ٹینس چیمپئن شپ میں چار غیرملکی ٹیموں نے شرکت کی تصدیق کر دی ۔ پاکستان ٹیبل ٹینس فیڈریشن کے صدر ایس ایم سبطین کے مطابق چیمپئن شپ 15جولائی سے کراچی میں کھیلی جائیگی ۔ تین روزہ ایونٹ میں جن ممالک نے شرکت کی تصدیق کی ان میں بھارت ، مالدیپ ، نیپال، سری لنکا اور میزبان پاکستان شامل ہے ۔ کیڈیٹس انڈر 15میں 2001ءکے بعد پیدا ہونے والے بچے اس ایونٹ میں شرکت کر سکتے ہیں جبکہ جونیئر انڈر 18میں 1998ءکے بعد پیداہونے والے کھلاڑی شرکت کے اہل ہونگے۔ ایونٹ میں مختلف کیٹیگری کے مقابلے کھیلے جائیں گے جن میں کیڈیٹس بوائز اینڈ گرلز ٹیم ایونٹس ، جونیئر بوائز اینڈ گرلز ٹیم ایونٹس، کیڈیٹس بوائز اینڈ گرلز سنگل ، جونیئر بوائز اینڈ گرلز سنگل ، جونیئر بوائز اینڈ گرلز ڈبل کے مقابلے شامل ہیں۔ انہوں نے کہا کہ ایونٹ میں پاکستانی ٹیم کے انتخاب کیلئے قومی کھلاڑیوں کے ٹرائلز 17سے 18جون تک ملتان میں لیے جائیں گے جس میں 4 جونیئر اور 3 کیڈیٹس کھلاڑیوں کا انتخاب کیا جائیگا۔
فرمان الہی
نماز کے اوقات
