سلیم صافی کی درخواست، قاسم سوری ایف آئی اے میں پھر پیش نہ ہوئے

14 جنوری ، 2023

جیو نیوز کے اینکر اور روزنامہ جنگ کے کالم نگار سلیم صافی کے مرحوم ماں باپ کو سوشل میڈیا پر گالیاں دینے پر قومی اسمبلی کے سابق ڈپٹی اسپیکر قاسم سوری ایف آئی اے کی طلبی پر پیش نہیں ہوئے۔

ایف آئی اے میں پیش نہ ہونے کے بعد قاسم سوری کو 18 جنوری کو بذات خود پیش ہونے کے لیے دوسرا نوٹس جاری کردیا گیا ہے۔

واضح رہے کہ سابق ڈپٹی اسپیکر قاسم سوری نے 29 دسمبر کو اپنے آفیشل ٹوئٹر اکاؤنٹ پر سلیم صافی کے والدین کو گالی دی تھی جس پر انہوں نے ایف آئی اے سائبر کرائم ونگ کو اسی روز درخواست دی تھی۔

سلیم صافی کی شکایت پر ایف آئی اے سائبر کرائم ونگ نے 10 دن کی مہلت دے کر 2 جنوری کو نوٹس جاری کیا تھا اور انہیں 11 جنوری کو پیش ہونے کا حکم دیا تھا لیکن 11 جنوری کو وہ پیش نہ ہوئے۔

چنانچہ اب ایف آئی اے سائبر کرائم برانچ نے انہیں 13 جنوری کو ایک اور نوٹس جاری کیا ہے جس میں انہیں18 جنوری کی صبح گیارہ بجے بذات خود پیش ہونے کا حکم دیا ہے اور پیش نہ ہونے کی صورت میں ان کے خلاف یکطرفہ کارروائی کا عندیہ دیا ہے ۔

سلیم صافی کی درخواست، قاسم سوری ایف آئی اے میں پھر پیش نہ ہوئے

واضح رہے کہ عمران خان کی حکومت میں مراد سعید کی طرف سے محسن بیگ کے خلاف اسی طرح کی شکایت پر ایف آئی اے نے نوٹس جاری کرنے کی بجائے اسی روز ان کے گھر پر حملہ آور ہوکر انہیں گرفتار کیا تھا حالانکہ محسن بیگ نے کتاب کے جس صفحے کا ذکر کیا تھا اس پر مراد سعید کا ذکر بھی موجود نہیں تھا جس کی وجہ سے عدالت نے محسن بیگ کو بری کردیا تھا۔

قومی خبریں سے مزید