ملتان (آئی این پی ) پنجاب پولیس نے شجا ع آباد روڈ پر ملزم کو نہر میں الٹا لٹکا کر تفتیش کے دوران تصاویر بنانے اور ریکارڈنگ کرنے والے دو بھائیوں کو گرفتار کر لیا۔ پنجاب پولیس نے ملتان کے علاقے شجاع آباد روڈ پر ملزم کو نہر میں الٹا لٹکا کر تفتیش کرتے وقت واقعے کی ریکارڈنگ کرنے والے 2بھائیوں عظیم بھٹی اور سہیل بھٹی کو گرفتار کر کے مقدمہ درج کر لیا ۔ پولیس حکام کی جانب سے دونوں بھائیوں پردباؤ ڈالا جا رہا ہے کہ وہ اپنے بیان میں کہیں کہ واقع بہت پرانا ہے اور واقع میں ملوث اہلکار تھانہ قطب پور میں تعینات نہیں تھے۔یاد رہے کہ گزشتہ روز شجاع آباد روڈ پرمحافظ سکواڈ کے اہلکار ایک ملزم کو نہر میں لٹکا کر تفتیش کر رہے تھے کہ ملزم کی چیخ و پکار سے مقامی لوگ موقع پر جمع ہو گئے۔ اس دوران دو بھائیوں عظیم بھٹی اور سہیل بھٹی نے پولیس گردی کے اس واقعے کو اپنے موبائل میں ریکارڈ کر کے سوشل میڈیا پر اپ لوڈ کر دیا تھا۔
فرمان الہی
نماز کے اوقات
