حنا خواجہ بیات کا مرحوم شوہر کی یاد میں جذباتی پیغام

05 فروری ، 2023

پاکستان کی معروف اور سینئر اداکارہ حنا خواجہ بیات نے اپنے مرحوم شوہر روجر بیات داؤد کی یاد میں سوشل میڈیا پر ایک جذباتی پیغام شیئر کیا ہے۔

حنا خواجہ بیات نے فوٹو اینڈ ویڈیو شیئرنگ ایپ انسٹا گرام پر اپنے شوہر کی تدفین کے مناظر کی کچھ تصاویر شیئر کی ہیں۔

اُنہوں نے یہ تصاویر شیئر کرتے ہوئے لکھا ہے کہ آپ کے ساتھ گزارے خوشی کے 30 سال اب لگتا ہے بہت مختصر لیکن بہت خوبصورت اور مبارک تھے۔

اُنہوں نے لکھا ہے کہ اب آپ کو اس فانی دنیا سے رخصت ہوئے 30 دن ہوچکے ہیں اور یہ عرصہ بہت لمبا، بے معنی اور درد ناک محسوس ہو رہا ہے۔

حنا خواجہ بیات نے اپنی پوسٹ کے آخر میں لکھا ہے کہ اتنا عرصہ گزرنے کے بعد بھی میں زندہ ہوں، جو کچھ بھی میرے پاس تھا اس کا شکر ادا کرنے کے لیے اب اس دن کا انتظار ہے جب ہم دوبارہ ملیں گے، ان شاء اللّٰہ۔

یہ بھی پڑھیے