سعودی عرب کا پاکستان میں ایک اور بڑے ریلیف پروگرام کا اعلان

اسلام آباد (صالح ظافر) سعودی عرب، جو پاکستان میں تباہی سے متاثرہ افراد کی مدد کے لیے سب سے آگے ہے، نے شاہ سلمان ہیومینٹیرین ایڈ اینڈ ریلیف سینٹر کے زیراہتمام ایک اور بڑے ریلیف پروگرام کا اعلان کیا ہے۔

اس نے پاکستان میں سیلاب سے متاثر ہونے والے انتہائی کمزور خاندانوں کے لیے موسم سرما کے امدادی تھیلوں میں پناہ گاہ کا سامان فراہم کرنے کا منصوبہ شروع کیا ہے۔

 اس اقدام کے آغاز میں پاکستان میں مملکت کے سفیر نواف بن سعید المالکی، پاکستان کی نیشنل ڈیزاسٹر مینجمنٹ اتھارٹی کے سربراہ لیفٹیننٹ جنرل انعام حیدر ملک اور دیگر حکام نے سعودی عرب کے سفارت خانے میں شرکت کی۔ 

یہ منصوبہ 190ٹن وزنی 15000 بیگ فراہم کرے گا۔ ان میں بنیادی پناہ گاہ کا سامان شامل ہوگا جو آٹھ متاثرہ علاقوں میں تقسیم کیا جائے گا۔

 تقریباً ایک لاکھ 75 ہزار افراد یا 15 ہزار خاندان اس امداد سے مستفید ہوں گے۔

 سفیر المالکی نے کہا کہ یہ منصوبہ شاہ سلمان بن عبدالعزیز اور ولی عہد شہزادہ محمد بن سلمان کی ہدایت پر عمل میں آیا اور پچھلے سال سیلاب کی تباہی کے آغاز سے لے کر اب تک مملکت کی جانب سے پاکستان کو فراہم کی جانے والی امداد جاری رکھی گئی۔