فرمان الہی
نماز کے اوقات
کراچی ( اسٹاف رپورٹر)پاکستان اسٹاک ایکس چینج،منافع کی خاطر فروخت کا رحجان بڑھنے سے اتار چڑھاؤکے بعد منفی رحجان، کے ایس ای100انڈیکس میں133پوائنٹس کی کمی،52.79 فیصد کمپنیوں کے شیئرز کی قیمت کم ہو گئی،سرمایہ کاری مالیت میں7ارب 26کروڑ55لاکھ روپے کا اضافہ، کاروباری حجم9.18فیصد کم رہا،تفصیلات کے مطابق بدھ کو مارکیٹ میں ٹریڈنگ کا آغاز تیزی پر ہوا جس کے بعد چند اہم سیکٹرز میں خریداری سے انڈیکس 945 پوائنٹس کے اضافے سے ایک لاکھ 71 ہزار پوائنٹس کی حد بھی عبور کر گیا لیکن بعد ازاں منافع کی خاطر فروخت کا دباؤ بڑھنے سے صورتحال تبدیل ہو ئی اور انڈیکس 1217 پوائنٹس کی کمی سے ایک لاکھ 70 ہزار پوائنٹس کی حد سے نیچے آگیا تاہم آخری گھنٹے میں ایک بار پھر چند سیکٹرز میں خریداری بڑھنے سے کچھ ریکوری آئی اور اختتام پر کے ایس ای100انڈیکس 133.44 پوائنٹس کی کمی سے 170313.86 پوائنٹس پر آکر بند ہوا ۔
