فرمان الہی
نماز کے اوقات
پاکستان سپر لیگ (پی ایس ایل) سیزن 8 کا پہلا ٹاکرا دفاعی چیمپئن لاہور قلندرز اور میزبان ملتان سلطانز کے درمیان کھیلا جائے گا۔
پی ایس ایل 8 کا میلہ سجنے کےلیے تیار ہوگیا، کونسی ٹیم ہوگی اس بار چیمپئن؟ کرکٹ کا رنگا رنگ میلہ کل سے ملتان میں شروع ہوگا۔
اس بار کراچی کنگز کرے گی راج یا ملتان سلطانز پہنیں گے تاج؟ کوئٹہ گلیڈیٹرز لگائیں گے پورا زور یا اسلام آباد یونائیٹڈ کا ہوگا ہر طرف شور؟ لاہور قلندرز کیا ایک بار پھر لے اڑے گی ٹرافی یا پشاور زلمی دکھائے گی اپنے رنگ؟
شائقین کرکٹ کے نان اسٹاپ ایکشن شروع ہونے میں صرف ایک دن باقی ہے، اس کے بعد وکٹیں اڑیں گی، چوکے اور چھکے لگیں گے۔
کرکٹ کے مداح اپنی اپنی فیورٹ ٹیم کو سپورٹ کرنے کےلیے میدانوں کا رخ کریں گے، ہر باؤنڈری اور وکٹ پر شور مچے گا۔
دوسری جانب پاکستان سپر لیگ 8 کے ترانے نے دھوم مچادی۔ عاصم اظہر، شائے گل اور فارس شفیع کی آواز کے اس جادو کو سوشل میڈیا پر چند گھنٹوں میں کئی لاکھ بار دیکھا جاچکا ہے۔
