فرمان الہی
نماز کے اوقات
بہاول پور(توصیف احمد)اسلامیہ یونیورسٹی بہاولپور میں تیسرے سالانہ ادبی وثقافتی میلے BLCF-2023کی تیاریاں آخری مراحل میں داخل ہو گئی ہیں۔ اس سلسلے میں وائس چانسلر انجینئرپروفیسر ڈاکٹر اطہرمحبوب کی صدارت میں اجلاس منعقد ہوا۔ اجلاس میں ڈین فیکلٹی آف فزیکل اینڈ میتھ میٹیکل سائنسز پروفیسر ڈاکٹر سعید احمد بزدار، ڈین فیکلٹی آف لاء پروفیسر ڈاکٹر آفتاب حسین گیلانی، خزانہ دار پروفیسر ڈاکٹر ابوبکر ، چیئرمین شعبہ میڈیا اینڈ کمیونیکیشن سٹڈیز پروفیسر ڈاکٹر محمد شہزادرانا،چیف میڈیکل آفیسر ڈاکٹر عثمان چیمہ، پرنسپل آفیسر اسٹیٹ کیئر اینڈ سپیس مینجمنٹ فرخندہ تحسین ، کنٹرولر نیوز پنجاب لاہور سجاد پرویز، ڈائریکٹر پریس میڈیا اینڈ پبلیکشنزشہزاد احمد خالد،ڈاکٹرسجاد حسین اسسٹنٹ پروفیسر، سینئر اساتذہ کرام اور آفیسرز شریک ہوئے۔وائس چانسلر انجینئر پروفیسر ڈاکٹر اطہر محبو ب نے کمشنر بہاول پور ڈاکٹر احتشام انور، ڈپٹی کمشنر بہاول پور ظہیر انور جپہ، صدر بہاول پور چیمبر آف کامرس اینڈ انڈسٹری چوہدری ذولفقار علی مان کا خصوصی تعاون پر شکریہ ادا کیا۔ انہوں نے کہا کہ سید تابش الوری جیسی شخصیت کی سربراہی میں بہاولپور لٹریری اینڈ کلچرل فیسٹیول کا انعقاد ہمارے لیے باعث اعزاز ہے۔ وائس چانسلر نے کہا کہ اسلامیہ یونیورسٹی بہاول پور نے پاکستانی جامعات میں ادبی اور ثقافتی میلے کا اہتمام کر کے ایک نئی روایت قائم کی ہے۔ اس ایونٹ کو اب ایک سالانہ تقریب کا درجہ حاصل ہو گیا ہے۔ انہوں نے کہا کہ ادب اور ثقافت کا تعلیم سے گہرا رشتہ ہے ۔ دنیا بھر میں جامعات ادب وثقافت کے ساتھ جدید علوم کو ہم آہنگ کر کے ایک نیا تعلیمی انقلاب برپا کر رہی ہیں۔انہوں نے کہا کہ ادبی اور ثقافتی میلے کی افتتاحی اور اختتامی تقریبات شاندار انداز میں منعقد کی جائیں گی اور تشہیر کے شعبے کو موثر بنانے کے لیے جامعہ اسلامیہ کی میڈیا ایلومنائی کو شامل کیا جائیگا۔قومی سطح کے قرات ، نعت اور تقریری مقابلے منعقد ہوں گے۔اس موقع پر ایک بڑی صنعتی وتجارتی نمائش اور پھولوں کی نمائش منعقد ہو گی جس میں مقامی اِدارے شریک ہوں گے۔ وائس چانسلر کے وژن کے مطابق علاقے کی جامعات اور تعلیمی اِداروں ، سرکاری اور تجارتی اِداروں اور ادبی تنظیموں کے علاوہ معاشرے کے تمام اہم طبقات کو اس لٹریری اینڈ کلچرل فیسٹیول میں بھرپور طریقے سے شریک کیا جائے گا۔ اس موقع پرڈائریکٹر پریس میڈیا اینڈ پبلیکشنز اور فوکل پرسن شہزاد احمد خالد نے مختلف ایونٹس اور انتظامات سے متعلق بریفنگ دی ۔
