کراچی (اسٹاف رپورٹر) پاکستان ہاکی فیڈریشن کے زیر اہتمام ہاکی فائیو ٹورنامنٹ 18 سے25 جون تک نیشنل ہاکی اسٹیڈیم لاہور میں کھیلا جائے گا ۔جس میں چھ شہروں کی ٹیمیں ایکشن میں ہونگیں، ٹیموں کا انتخاب پاکستان ہاکی فیڈریشن ان شہروں کی ایسوسی ایشنز کی مشاورت سے کرے گی۔ ہر ٹیم دس کھلاڑیوں پر مشتمل ہوگی ۔ گرائونڈ کی لمبائی 55 اور چوڑائی47 میٹرز ہوگی۔ ایونٹ کی فرنچائز خریدنے میں مختلف اداروں نے دل چسپی کا اظہار کیا ہے، مقابلے فلڈ لائٹس میں ہونگے، روزانہ تین میچز کھیلے جائیں گے ہر میچ دس، دس منٹ کے چار کوارٹرز پر محیط ہوگا ٹور نامنٹ کے ڈراز کو جمعرات کی صبح حتمی شکل دی جائے گی۔
فرمان الہی
نماز کے اوقات
