فرمان الہی
نماز کے اوقات
کوہاٹ میں ’جیو نیوز‘ کے نمائندے اور سینئر صحافی یاسر شاہ کے گھر پر نامعلوم افراد کے حملے کا مقدمہ درج کر لیا گیا۔
حملے کا سی ٹی ڈی نے دہشت گردی کی دفعات کے تحت مقدمہ درج کر لیا ہے۔
مقدمے کے اندراج کے بعد محکمۂ انسدادِ دہشت گردی نے ملزمان کی تلاش شروع کر دی ہے۔
2 روز قبل کوہاٹ کے علاقے جنگل خیل میں سینئر صحافی اور ’جیو نیوز‘ کے رپورٹر یاسر شاہ کے گھر پر نامعلوم ملزمان نے دستی بم سے حملہ کر دیا تھا اور فائرنگ کی تھی۔
حملے کے نتیجے میں گھر کے مرکزی دروازے کو جزوی نقصان پہنچا تھا، جبکہ واقعے میں کوئی جانی نقصان نہیں ہوا تھا۔
