مفتی عبدالشکور کی گاڑی کو ٹکر مارنیوالی گاڑی پر تیز رفتاری کے 13 چالان کٹے

وفاقی دارالحکومت اسلام آباد میں سابق وفاقی وزیرِ مذہبی امور مفتی عبدالشکور کی حادثے میں موت کی تحقیقات میں یہ انکشاف سامنے آیا ہے کہ مفتی عبدالشکور کی گاڑی کو ہٹ کرنے والی گاڑی پر تیز رفتاری کے 13 چالان بقایا ہیں۔

رپورٹ کے مطابق مفتی عبدالشکور کی گاڑی کو ہٹ کرنے والی گاڑی کا تیز رفتاری پر پہلا ای چالان 5 جنوری 2023ء کو ہوا۔

مفتی عبدالشکور کی گاڑی کو ہٹ کرنے والی مذکورہ گاڑی کا تیز رفتاری پر تیرہواں ای چالان 13 اپریل 2023ء کو ہوا۔

مفتی عبدالشکور کی گاڑی کو ٹکر مارنے والی گاڑی حادثے کےوقت بھی تیزی سے گزر رہی تھی۔

پولیس کی رپورٹ کے مطابق تیز رفتاری کے سبب ڈرائیور گاڑی پر قابو نہ پا سکا اور حادثہ پیش آ گیا۔