فرمان الہی
نماز کے اوقات
ڈاکٹر سہیل سلیم پاکستان کرکٹ بورڈ میں ڈائریکٹر میڈیکل اینڈ اسپورٹس سائنسز کے عہدے پر واپس آ سکتے ہیں۔
ذرائع کا کہنا ہے کہ ڈاکٹر سہیل سلیم کی پاکستان کرکٹ بورڈ کے اعلیٰ عہدیداران سے ملاقاتیں ہو چکی ہیں۔
ذرائع کے مطابق چیف میڈیکل آفیسر کی موجودگی میں پی سی بی نے ڈائریکٹر میڈیکل اینڈ اسپورٹس سائنسز کا عہدہ متعارف کرا دیا ہے۔
ڈائریکٹر میڈیکل اینڈ اسپورٹس سائنسز سمیت 6 عہدوں کے لیے اشتہار بھی جاری کر دیا گیا ہے۔
سیکیورٹی اینڈ اینٹی کرپشن کے کنسلٹنٹ، ڈائریکٹر اور جی ایم، منیجر سیکیورٹی اور سینئر منیجر اینٹی کرپشن کے لیے بھی اشتہار دیا گیا ہے۔
ذرائع کے مطابق ڈاکٹر سہیل سلیم احسان مانی کے دور میں ہیڈ آف میڈیکل ڈپارٹمنٹ کے عہدے سے الگ ہو گئے تھے، ان کے پی ایس ایل میں کووڈ پروٹوکولز کی خلاف ورزیوں کے معاملے پر بورڈ سے اختلافات پیدا ہو گئے تھے۔
بعدازاں ڈاکٹر نجیب سومرو کو اگست 2021 میں چیف میڈیکل آفیسر مقرر کر دیا گیا تھا۔
