پی ڈی ایم دھرنا، جے یو آئی کے قافلے بلوچستان و سندھ سے اسلام آباد روانہ

پاکستان ڈیموکریٹک موومنٹ (پی ڈی ایم) کے سپریم کورٹ کے باہر دھرنے کے اعلان کے بعد جمعیت علمائے اسلام (جے یو آئی) کے بلوچستان بھر سے قافلے اسلام آباد کی جانب روانہ ہو گئے۔

جمعیت علمائے اسلام ف و پی ڈی ایم کے سربراہ مولانا فضل الرحمٰن کی کال پر جے یو آئی ف کا قافلہ حب اور لسبیلہ سے روانہ ہو گیا۔

جے یو آئی ف کے رہنما شاہ محمد صدیقی کا کہنا ہے کہ مولانا فضل الرحمٰن کی ہدایت پر بلوچستان بھر سے قافلے روانہ ہو رہے ہیں۔

رانا ثناء سے درخواست ہے اسلام آباد سے دفعہ 144 ہٹا لیں، راشد محمود

جمعیت علماء اسلام (جے یو آئی) سندھ کے صدر علامہ راشد محمود نے کہاہے کہ عمران خان کی گرفتاری پر سب سے پہلے امریکا اور اقوام متحدہ کے سیکریٹری کو تکلیف ہوتی ہے۔

جمعیت علمائے اسلام مستونگ کا قافلہ بھی اسلام آباد جانب روانہ ہو گیا۔

مولانا فضل الرحمٰن کی کال پر جے یو آئی ف کے نوشکی اور تفتان سے بھی قافلے اسلام آباد کے لیے روانہ ہوئے ہیں۔

خضدار سے بھی مولانا فضل الرحمٰن کی کال پر جے یو آئی کے قافلے اسلام آباد کی جانب روانہ ہو گئے ہیں۔

مولانا فضل الرحمٰن کی کال پر بلوچستان کے مختلف اضلاع ڈیرہ مراد جمالی، نصیر آباد، جعفر آباد، جھل مگسی، کچھی، بھاگ، صحبت پور اور اوستہ محمد سے قافلے اسلام آباد کے لیے روانہ ہو گئے۔

ٹنڈو محمد خان سے قافلے اسلام آباد کیلئے روانہ

سندھ کے شہر ٹنڈو محمد خان سے مولانا فضل الرحمن کی کال پر قافلے اسلام آباد کے لیے روانہ ہو گئے۔

جے یو آئی ف کا قافلہ سندھ کے شہر سجاول سے اسلام آباد کے لیے روانہ ہو گیا۔

راشد محمود کی رانا ثناء سے اپیل

دوسری جانب جمعیت علماء اسلام (جے یو آئی) سندھ کے صدر علامہ راشد محمود کا کہنا ہے کہ وزیرِ داخلہ رانا ثناء اللّٰہ سے درخواست ہے کہ اسلام آباد سے دفعہ 144 ہٹا لیں، ہم پُرامن لوگ ہیں۔

کراچی پریس کلب میں پریس کانفرنس کے دوران راشد محمود نے کہا کہ بینظیر بھٹو، نواز شریف، مولانا فضل الرحمٰن سب ہی سیاسی جدوجہد میں جیل گئے۔

انہوں نے اعلان کیا کہ کراچی سے بھی قافلے اسلام آباد کےلیے روانہ ہوں گے، سندھ کے 30 اضلاع کے قافلے سکھر موٹر وے پر جمع ہوں گے۔

PDM کا سپریم کورٹ پر دھرنے کا اعلان

گزشتہ روز پی ڈی ایم کی جانب سے وفاقی دارالحکومت اسلام آباد میں سپریم کورٹ آف پاکستان کے باہر کل پیر کو دھرنا دینے کا اعلان کیا گیا ہے۔

اس دھرنے میں شرکت کے لیے ملک بھر سے جے یو آئی ف کے قافلوں کی اسلام آباد کی جانب روانگی جاری ہے۔

فضل الرحمٰن کا ویڈیو پیغام

پوری قوم پیر کو سپریم کورٹ کے باہر احتجاج کیلئے پہنچے، مولانا فضل الرحمان

سربراہ پی ڈی ایم کا کہنا تھا کہ مجرم کی حوصلہ افزائی کی جا رہی ہے تاکہ ملک کو اتنا کمزور کرے کہ ملک پارہ پارہ ہوجائے۔

پی ڈی ایم کے سربراہ مولانا فضل الرحمٰن نے تمام سیاسی جماعتوں کو سپریم کورٹ کے خلاف احتجاج میں شرکت کی دعوت دی ہے۔

اپنے ویڈیو پیغام میں انہوں نے کہا کہ ایک مجرم کو یک طرفہ تحفظ اور وی آئی پی پروٹوکول دیا جارہا ہے ، عوام اور کارکنوں کو دعوت دے رہے ہیں کہ پیر کی صبح شاہراہِ دستور پہنچیں اور دھرنا دیں۔

مریم بھی شرکت کریں گی

اس حوالے سے چیف آرگنائزر ن لیگ مریم نواز اسلام آباد پہنچ گئیں۔

مریم نواز سپریم کورٹ کے باہر احتجاج میں ن لیگ کی نمائندگی کریں گی۔

مسلم لیگ ن کی جانب سے بھی آج سے جلسوں اور ریلیوں کا اعلان کیا گیا ہے۔