بہاولپور(ڈسٹرکٹ رپورٹر‘مانیٹرنگ سیل)کاونٹر ٹیرر ازم ڈیپارٹمنٹ نے بہاولپور میں دہشت گردی کا منصوبہ ناکام بنادیا، 3مبینہ دہشت گرد وں کوگرفتارکرکے انکے قبضے سے 2دستی بم اوردوکلوسے زائد دھماکا خیرمواد برآمدکرلیا، بم ڈسپوزل سکواڈ نے بموں اوردھماکا خیزمواد کوڈی فیوز کردیا،تفصیلات کے مطابق سی ٹی ڈی نے اوچشریف کے نواحی علاقے میں بروقت کارروائی کرتے ہوئے کالعدم تنظیم سے تعلق رکھنے والے تین مبینہ دہشت گردوں کو گرفتارکیا ۔ بتایاجاتاہے کہ دہشت گرد بہاولپور میں دہشت گردی کی بڑی کارروائی کی منصوبہ بندی کررہے تھے۔ اطلاع پر بم ڈسپوزل سکواڈ موقع پر پہنچ گیا اور سکواڈ کے انچارج شاہ دین نے بموں اوردھماکا خیز مواد کوڈی فیوز کردیا۔ سی ٹی ڈی ذرائع کے مطابق دہشت گردوں کے خلاف مقدمہ بھی درج کرلیاگیاہے۔ سی ٹی ڈی ترجمان کے مطابق دہشت گرد آصف، طیب اور جاوید سے بارودی مواد اور دستی بم بھی برآمد کر لیا گیا ہے۔دہشت گرد مزار پر حملے کی منصوبہ بندی کررہے تھے۔
فرمان الہی
نماز کے اوقات
